TRIBUNNEWS.COM - Inilah contoh teks khutbah Idul Fitri 1444 H/2023 dalam bahasa Jawa.

Teks khutbah Idul Fitri 2023 ini berjudul Wangsul Dateng Fitrah atau bila diterjemahkan ke dalam bahasa Indonesia menjadi Kembali kepada Fitrah.

Teks khutbah Idul Fitri 2023 dalam bahasa Jawa ini bisa dibaca oleh imam atau khatib setelah shalat Idul Fitri.

Sama seperti khutbah Idul Fitri lainnya, teks khutbah Idul Fitri 2023 berjudul Wangsul Dateng Fitrah berisi tentang pesan kebaikan dan nasihat untuk meningkatkan kualitas iman dan takwa umat Muslim.

Baca juga: Contoh Teks Khutbah Idul Fitri 2023 yang Singkat

Selengkapnya, inilah contoh teks khutbah Idul Fitri 2023 dalam bahasa Jawa, dikutip Tribunnews.com dari pcnucilacap.com dengan perubahan seperlunya:

Wangsul Dateng Fithrah

Jama'ah shalat 'Ied ingkang minulya.

Langkung rumiyin kula aturaken:

تفبل هللا منا ومنكم

Mugi Allah kersa nampi amal ibadaah saking kula lan panjenengan sedaya lan

من العائدين الفائزين املقهبولني

Mugi Allah kersa ndadosaken kita sedaya tiyang ingkang wangsul dateng fithrah (dateng asal kedadosan kita) ingkang angsal kabegjan lan ingkang dipun tampi amal ibadahipun. Amien.

هللا أكرب أهلل أكرب أهلل أكرب وهلل احلمد

Jama'ah shalat 'Ied ingkang minulya.

Kangge duka ingkang kaping pinten, enjang punika kita saged nglampahi 'Iedul Fithri.

'Iedul Fithri bade tansah kedadosan malih saben tahun, mila mesti wonten hikmah utawi piwucal ingkang saged kita pendhet saking mriku.

Piwucal ingkang saged kita pendet kanthi cepet inggih punika piwucal supados kita wangsul dateng fithrah kita minangka manungsa, wangsul dateng asal mula bukanipun manungsa, sinten sejatinipun, lan kangge napa wontenipun.

Ingkang kawitan, fithrahipun manungsa punika makhluk ingkang dipun damel dening Gusti Allah.

Mboten jalaran kita ingkang kepengin lajeng kita wujud. Ugi mboten jalaran kepenginipun bapak ibu.

Nyatanipun, mboten saking kawitan kita ngertos bilih kita punika manungsa.

Tunggu ngantos paling mboten pitung tahun kita nembe ngertos bilioh kita punika manungsa.

Nyatanipun, kathah lare ingkang lahiripun mboten dipun kepengini bapak ibunipun, nembe lahir lajeng dipun bucal ber, utawi dipun tilar lar, utawi malah awit taksih wonten lebet wetengan, tiyang sepuhipun sampun ngupayaaken sak sagedipun bade ngguguraken.

Sewangsulipun, kathah tiyang sepuh ingkang ngotot sanget supados gadhah anak ingkang mangkenipun bade dados manungsa, tah nyatanipun mboten kasil.

Dados, sepisan malih, ingkang kawitan kedah dipun sadari, manungsa, kita sedaya nggih manungsa, punika makhluk, dipun damel, dipun ciptaaken.

هللا أكرب أهلل أكرب أهلله أكرب وهلله احلمد

Jama'ah shalat 'Ied ingkang minulya.

Wonten ingkang dipun damel mesthi wonten ingkang ndamel. Wonten makhluk mesthi wonten Al-Khaliq.

Al-Khaliq nyiptaaken manungsa mesthi mboten namung iseng utawi dolanan tanpa hikmah lan tanpa tujuan.

Wonten surah Al-Mu'minun 115 Allah Ta'ala ngendika:

أَفَحَسِبْتُمْ أَنَّمَا خَلَقْنَٰكُمْ عَبَثًا وَأَنَّكُمْ إِلَيْنَا لَا تُرْجَعُونَ

"Terus, apa kowe kabeh ngira menawa Ingsun nyiptaaken kowe kabeh mung nggo dolanan thok? Lan menawa kowe kabeh ora arep dibalekake maring Panjenengan Ingsun?"

Mesthi mawon mboten nggih?

Lajeng tujuan dipun damelipun manungsa punika kanthi cetha dipun ngendikaaken Gusti Allah wonten surat Adz-Dzariyat, 56:

وَمَا خَلَقْتُ ٱلْجِنَّ وَٱلْإِنسَ إِلَّا لِيَعْبُدُونِ

"Lan Ingsun ora nyiptaaken jin lan manungsa kejaba supaya jin lan manungsa mau pada ngawula bekti maring Panjenengan Ingsun."

Dados, sak sampunipun kita, para manungsa ngaku minangka makhluk, kita mboten kenging ngliruwaken tujuan kita diciptaaken, nggih punika ngawula bekti, ngibadah.

Manungsa ingkang mboten purun ngawula bekti dateng Gusti Allah ingkang sampun ndamel piyambake, berarti mboten ngertos utawi mboten nyadari fithrahipun.

Amargi kathah tiyang ingkang kados mekaten, mila Gusti ingkang Maha Mirah lan Welas Asih kanthi ajeg lan teras-terasan maringi pepeling supados manungsa mboten kebablasen mboten ngertos lan mboten sadar.

Pepeling kala wau nggih 'Iedul Fithri punika.

هللا أكرب أهلل أكربه أهلل أكرب وهلل احلمد

Jama'ah shalat 'Ied ingkang minulya.

Arti ngawula bekti punika ndadosaken awak kota dados kawulanipun gusti ingkang dipun kawulani.

Gusti ingkang dipun kawulani mboten sanes nggih Gusti Allah.

Ngawula dateng Gusti Allah mboten cekap naming ngaken dados kawulanipuin thok.

Ngawula punika kedah purun tansah nglampahi dhawuhipun lan nebihi awisanipun.

Tiyang ingkang sampun saged kados mekaten kawastanan 'muttaqien' wong kang takwa.

Lan menikalah tujuan kita didhawuhi siyam kados ingkang nembe kita lampahi.

Tujuan punika, Insya Allah, mboten mustahil saged dipun kasilaken sinten kemawon uger nalika siyam tiyang wau buka lan sauripun ingkang halal lan mboten nate ngendikan ingkang awon lan mboten nglampahi ingkang mboten sae.

Timbang ngendikan ingkang awon langkung sae mendel lan timbang nglampahi ingkang mboten sae langkung sae tilem.

هللاه أكرب أهلل أكرب أهلل أكربه وهلله احلمد

Kewajiban ngawula dateng Allah keraos sanget pribadi, kangge piyambak thok.

Ing mangka manungsa punika makhluk ingkang langkung remen gesang sesarengan.

Mila mesthi wonten kewajiban sanes ingkang murakabi dateng masyarakat.

Punapa niku? Nalika Gusti Allah bade nyiptaaken manungsa, ngendika:

إِنِّي جَاعِلٌ فِي الْأَرْضِ خَلِيفَةً

"Sak temene, ingsun bakal ndadeaken khalifah ana nduwur bumi iki."

Khalifah tegesipun ingkang nggantosi, ingkang makili. Dados manungsa dipun damel Gusti Allah minangka wakilipun Gusti wonten sak lumahing bumi punika.

Lan kewajiban pokok minangka khalifah punika nyebaraken rahmat lan asih, mrataaken keadilan lan mujudaken raos aman dateng sedayanipun.

Mila, saestunipun, sedaya tiyang kedah ikhtiyar mriku lan mangkenipun wohing ikhtiyar ugi dipun unduh piyambak.

Nderek pangandikan Imam Abu Ishaq asy-Syirozi, ingkang langsung diparingi

Rasullah saw liwat impenipun:

من اراد السالمة فليطلبها ىف سالمة غريه

"Sapa wonge kepengin slamet kudu gelem nggoleki slamete wong liya."

Dados, sinten kemawon ingkang kepengin wilujeng, mboten kenging nglampahi perkawis ingkang saged damel mboten slametipun tiyang sanes, damel ruginipun tiyang sanes.

Saged dipun terasaaken, sinten kepengin wontenipun keadilan mboten kenging mboten adil.

Sinten kepengin aman mboten kenging damel mboten amanipun tiyang sanes.

هللاه أكرب أهلل أكرب أهلل أكربه وهلله احلمد

Jama'ah shalat 'Ied ingkang minulya

Wosipun, 'Iedul Fithri ngajak kita sedaya wangsul nyadari kita minangka makhluk lan manungsa, ingkang kedah ngawula bekti lan dados khalifah Allah wonten ngalam dunya punika.

Mangga kita upayakaken sesarengan.

Untuk file PDF teks khutbah Idul Fitri dalam bahasa Jawa bisa di-download melalui link ini.

(Tribunnews.com/Sri Juliati)